Xullo de 2015
 
 

NÚMERO 280 - 06/07/2015

   CUTUDC / Novidades

  UNIVERSIDADES
 

77.000 estudantes abandonaron a universidade pública española por suba de taxas

Máis de 77.000 estudantes abandonaron a universidade pública ou renunciaron a matricularse dende o curso 2011/2012 pola suba dos prezos das taxas, segundo denuncia un informe.

 

  • Noticias relacionadas

 

Estase a minguar a poboación universitaria nos centros públicos en España polas altas taxas universitarias e porque as bolsas están a nivel do ano 2004.
 
Segundo os datos do Ministerio de Educación, no curso 2011/2012 matriculáronse 1,37 millóns de alumnos nas universidades públicas alcanzando o nivel máis alto da década e dende entón a cifra foi reducíndose: 1,34 millóns no curso 2012/2013 e 1,32 millóns no 2013/2014.
 
O Ministerio de Educación escúdase na redución da poboación de entre 18 e 24 anos para xustificar a caída en picado das matriculacións, obviando que esa mesma diminución poboacional non impediu que nos anos previos ao 'tasazo' o estudantado das universidades públicas crecese ano tras ano.
 
Ademais nos centros privados o número de estudantes seguiu crecendo no mesmo período, pasando de 201.262 no curso 2011/2012 a 214.512 no período 2013/2014, conforme o balance provisional do informe 'Datos e Cifras do Sistema Universitario Español' que elabora o ministerio, polo que se conclúe que é un problema da pública e un problema de taxas.
 
Se o Goberno do PP (Partido Popular) non castigara ao estudantado co 'tasazo' universitario, que nalgunhas comunidades disparou máis do dobre o prezo das matrículas, e cunha dura política de bolsas e axudas, o alumnado seguiría crecendo como consecuencia das escasas perspectivas laborais que se manteñen ata a actualidade, tal e como aconteceu ata o curso 2011/2012.
 
Na mesma liña, o cambio na duración dos estudos tampouco xustificaría a diminución, porque ao analizar a evolución do alumnado por comunidades autónomas, compróbase o esaxerado aumento de mozos matriculados en universidades privadas, sobre todo nos estudos de mestrado e en universidades non presenciais, cuxo exemplo paradigmático é a Universidade Internacional de La Rioja (UNIR), que desde o curso 2009/2010 creceu case un 900% ".
 
HispanTV

 

 

 

 

 


CUT da UDC . SEMPRE DO LADO DAS TRABALLADORAS E TRABALLADORES

Quen somos | Contacto | Axuda

cutudc.com, 2009. Publicado baixo licencia Creative Commons DHTML Menu By Milonic JavaScript