A denegación do dereito á utilización desas horas sindicais incumpre, por unha parte, o parágrafo segundo do artigo 65 do III Convenio Colectivo do Persoal Laboral da Universidade da Coruña que establece:
 
“A Xerencia da Universidade, co obxecto de permitir o desenvolvemento efectivo das tarefas de representación sindical, arbitrará as medidas oportunas procedendo, se for o caso, a reforzar o servizo correspondente co persoal necesario, de xeito que as necesidades deste servizo non impidan en ningún caso a actividade sindical.”
 
Por outro lado, a decisión da universidade representa un incumprimento dos artigos 62, 63 e 64 do Estatuto dos Traballadores e dos artigos 2, 8, 9 e 10 da Lei Orgánica de Liberdade Sindical (LOLS).
 
Agardamos que a Inspección de Traballo restitúa a legalidade obrigando á universidade a non poñer trabas á actividade sindical.