Marcando diferenzas
Leo o DOG habitualmente, hoxe, venres, aparece a RESOLUCIÓN do 22 de xuño de 2015 pola que, en execución de sentenza, se anulan dous nomeamentos como profesores titulares de universidade. A UDC, neste caso, afecta a dúas prazas de PDI recorreu até o Tribunal Supremo. Nunca, que eu saiba, no caso do PAS chegou a este extremo, até nestas cousas se plasman as diferenzas

Recortes
Non fai falla ser moi listo para ver que se aproximan recortes, este mes pasado púxosenos, negro sobre branco, a situación real da economía da universidade. A Xunta tamén o puxo enriba da mesa, se se quere diñeiro haberá que facer recortes. Seguro que non se vos ocorre onde recortarán?. Temos que prepararnos.

ESCI. Incerteza
Os traballadores que non eliximos agosto como período de vacacións temos a comunicación de que, nese mes, o centro permanecerá pechado unha semana por obras de impermeabilización. Ás persoas que nos afecta o peche xúrdennos varias preguntas que quixeramos que se nos contestasen, entre outras: que vai a ser de nós no tempo de peche, que alternativa laboral se nos propón. Será seguro traballar inmediatamente despois de realizadas as obras?