O pasado día 1 de setembro, o xerente convocou ao presidente da Xunta de Persoal para sinalarlle as prioridades institucionais, pola súa parte a Xunta de Persoal convocou reunión para o vindeiro día 8, martes, na que tratará sobre as prioridades sinaladas pola Xerencia, tomar a posición que corresponda e, á súa vez, establecer as prioridades que o órgano de representación considera necesario incluír na reunión que o xerente convocará, previsiblemente, na semana do 14 ao 20 de setembro.
 
As prioridades sinaladas pola Xerencia foron:

• Oferta de Emprego Público 2015
• Plan de Formación
• Modificación parcial da RPT
• Repesca da funcionarización
• Ampliación da roupa de traballo solicitada

 
Lembrámosvos cada unha delas.

• Oferta de Emprego Público 2015. Proposta de Xerencia
• Plan de Formación. Proxecto. A nosa opinión
• Modificación parcial da RPT.- Última proposta. Memoria. Pronunciamento da APA (unha e outra vez). Asembleas
• Repesca da funcionarización. Unha vez realizadas todas as convocatorias contempladas no acordo de funcionarización hai varias compañeiras e compañeiros que, pretendendo funcionarizarse, por diversas razóns non o fixeron. A Xunta de Persoal, a instancias da APA solicitou da Xerencia unha convocatoria extraordinaria para que o persoal interesado puidera participar no procedemento.
• Ampliación da roupa de traballo solicitada. A Xunta de Persoal, atendendo a petición dos traballadores do Servizo de Medios Audiovisuais, solicitou, no seu día, da Xerencia que se lles proporcionase roupa de traballo.

 
A Xunta de Persoal incluíu na reunión convocada para o día 8 os seguintes temas:

• Modificación do regulamento das listas de agarda. Mellora de emprego
• Información sobre a reunión de representantes da Xunta de Persoal con traballadores en Ferrol
• Concurso específico para auxiliares de servizo
• Cambio de centro de traballo en Ferrol
• Solicitude de cambio de quenda para compatibilidade