Para debilitar a resposta aos recortes tanto na administración pública como nos dereitos económicos, laborais e sociais dos e das súas traballadoras non dubidaron en divulgar e promover os tópicos sobre o colectivo de funcionarios e funcionarias, especialmente o da vagancia.
 
Foi precisamente un dos representantes deste zafio xeito de facer política, o sr. Antonio Beteta (o do cafelito) o encargado de presentar as distintas medidas contidas no Proxecto de Lei de Orzamentos do Estado para as empregadas e empregados públicos e que dixo "se negociaron coas centrais sindicais".
 
Como xa vos sinalabamos as medidas anunciadas foron:
 

• Cando xa nos recortaron o 30% do noso poder adquisitivo anúnciasenos a ridícula recuperar o 1% do poder adquisitivo en 2016 (casualmente ese é o mesmo incremento que os sindicatos maioritarios asinaron como incremento máximo para as traballadoras e traballadores da empresa privada.
• Reintegro da paga extra de Nadal de 2012: un 25%  antes das eleccións e o outro 50% para o ano. Este ano eleccións estatais e o vindeiro eleccións autonómicas.
• Recuperación dun día moscoso e de 3 canosos (ao cumprir os 8, 10 e 12 trienios); nin tan sequera se restitúe a situación anterior ao comezar aos 8 trienios cando antes era aos 6
• Taxa de reposición do 50% (e o 100% en sectores prioritarios, entre eles a sanidade e a educación, tamén a universitaria), os sectores “non prioritarios” seguirán desangrándose.