Sinalan nalgunha nota de prensa que, ademais da devolución do 26,23 por ciento da extra de 2012  “A Administración rectifica a súa posición de xullo e acepta a proposta sindical de recuperar os días de permisos arrebatados no 2012, restituíndo os días de libre disposición, por antigüidade ("canosos") e os catro días adicionais por vacacións, sendo de aplicación xa a 2015 tres días de antigüidade.
 
Todas estas medidas terán carácter básico e potestativo, o que significa que serán de aplicación directa na Administración Xeral do Estado e nas outras Administracións, en función da disposición económica de cada unha delas”
 
De momento o sr. Feijoo, coas eleccións ás portas manifestou a súa vontade de proceder segundo ese acordo, porque se os recortes na administración pública foron bestiais, na administración galega foron aínda maiores.
 
A acordado polos sindicatos do sistema non nos devolve o que nos roubaron. Non se pide perdón polo indigno trato recibido, polo desprezo co que se tratou ás traballadores e traballadoras da administración pública para que a sociedade vise con bos ollos os recortes que se nos impoñían. Non nos devolven o valor dos días que nos roubaron. Que pasará en Galiza co recorte do complemento específico que se nos ven aplicando desde o ano 2013?. E os descontos por enfermidade?. Para todo isto non hai resposta
 
O sinalado polos sindicatos ratificouno o goberno na Conferencia de prensa da vicepresidenta e portavoz do Goberno logo da reunión do Consello de Ministros
 
O Consello de Ministros do día 11/09/2015 aprobou un Real Decreto Lei polo que se materializan medidas en materia de emprego público, concédense créditos extraordinarios e suplementos de crédito no orzamento do Estado por importe total de 630.571.641,30 euros e adóptanse outras medidas de estímulo da economía.
 
1.MEDIDAS EN MATERIA DE EMPREGO PÚBLICO
 
a) Recuperación de parte da paga extraordinaria e adicional dos empregados públicos correspondente ao ano 2012, cuxo importe será o equivalente a 48 días ou ao 26,23 por 100 do importe deixado de percibir. A Administración correspondente realizará o abono dentro do exercicio 2015, sempre que a súa situación económico-financeira o permíta; de non permitilo, o abono poderá facerse no primeiro exercicio orzamentario en que dita situación o permíta.
 
b) Modificación do Estatuto Básico do Empregado Público:

• Permiso por asuntos particulares: 6 días ao ano, con carácter xeral 
• Permisos por asuntos particulares por antigüidade: poderán establecerse ata 2 días adicionais ao cumprir o 6º trienio, incrementándose, como máximo, en 1 día adicional por cada trienio cumprido a partir do 8º. 
• Vacacións: Cada Administración poderá establecer ata un máximo de 4 días adicionais de vacacións. Na Administración Xeral do Estado terase dereito a 23 días de vacacións ao ano aos 15 anos de servizo; a 24 días aos 20 anos, a 25 días aos 25 anos e a 26 días aos 30 anos de servizo.