@s traballador@s instan á empresa pública a cumprir coa Lei xa e acabar así coa precariedade laboral e os 15.000 despedimentos que se produciron desde 2008. Ante isto, aseguraron que non van consentir máis demoras” no proceso de reposición de traballadores e traballadoras.
 
@s traballador@s reclaman que a convocatoria de emprego sexa publicada durante o mes de setembro, “pola contra, as accións de presión, sindicais e legais activaranse con todas as consecuencias”, sentenciaron. Ademais, lembraron que Correos pertence ao Ministerio de Emprego, polo que as consecuencias das súas queixas poderían repercutir directamente na campaña electoral de cara ás próximas eleccións xerais.
 
A crecente precariedade laboral foi denunciada durante as numerosas mobilizacións que se convocaron nesta última tempada. Cabe lembrar, tamén, que o persoal de Correos xa convocou unha folga para os días 4, 15 e 22 de maio, en vésperas das eleccións autonómicas e municipais, nas que a compañía se encargaba de xestionar o voto por correo.