Como sinalamos en anteriores artigos, o PP está en campaña electoral na administración pública. Conformamos un colectivo considerable e hai que darnos o caramelo (non son populistas) para que, como cordeiriños, depositemos o voto.
 
Aínda así, no proceso de restitución do que nos roubaron (non nos devolven a totalidade do que nos recortaron) @s traballador@s da administración pública galega, imos a distinto ritmo que @s compañeir@s da administración central. Feijoo escamotéanos, unha vez máis con fines electoralistas, esa parcial recuperación para facer coincidir unha parte da mesma en 2016 ano das eleccións autonómicas.
 
Seguro que estes días lestes e ouvistes moito ao respecto, para que vos poidades situar imos facer un resumo da situación no que afecta @s traballador@s da administración pública galega.
 
Día adicional por asuntos propios, aplicarase de xeito inmediato porque así o determina o Real Decreto. En Galiza, antes do recorte tiñamos 9 días, de asuntos particulares, agora coa restitución deste día que se contempla no RD, temos 6.
 
Extra de 2012
 

• 48 días (26,23%) abonándose antes de que acabe o ano 2015, seguramente en novembro ou decembro para que coincida coas eleccións xerais (na administración central devolverase en outubro).
   
  O Consello de Goberno da Xunta de Galicia ven de aprobar a lei que confirma que o goberno galego só devolverá este ano o 25% da paga extra de 2012. Significamos que no resumo sinálase a devolución do 25%, non do 26,23% que recolle o RD.
  
  
• O 50% restante incluirase nos orzamentos do ano 2016 e farase efectivo “se for posible” no primeiro trimestre dese ano.