Trátase de algo máis do 25 % (26,23 %) e recibirano "máis de 125.000 persoas" cunha media de "máis de 450 euros", segundo os datos achegados hoxe no Parlamento polo conselleiro de Facenda, Valeriano Martínez, que asegurou que esta medida terá un custo para as arcas autonómicas de 56,5 millóns de euros.
 
Por se fose do voso interese xuntámosvos as emendas dos grupos da oposición no Parlamento Galego ao Proxecto de Lei polo que se aproba unha retribución de carácter extraordinario en concepto de recuperación da paga extraordinaria de decembro do ano 2012 dos empregados do sector público autonómico de Galicia
 
Por outra parte Martínez indicou, ademais, que a partir do día seguinte á aprobación desta medida, convocará aos representantes dos empregados públicos para "negociar" os días de libre disposición e os días libres en función de antigüidade que van recuperar.
 
Como sinalamos anteriormente a reunión á que se referiu o conselleiro realizouse o venres pasado. Resúltanos incomprensible que a Xunta dilate a decisión sobre o goce deses días cando as traballadoras e traballadores da administración central xa os teñen habilitados desde hai case un mes. Tampouco se nos ocorre ningunha razón para presentar eses días como un asunto a negociar.