Xa se pode aforrar o equipo de goberno os seminarios que se comezarán a realizar a vindeira semana e aos que se convidaron a xerentes/vicerreitores de universidades do estado, que recentemente acometeron procesos de reestruturación das súas estruturas académicas e que expoñerán como se realizou este proceso.
 
Despois de falar o presidente da comisión tomou a palabra o representante da Escola Universitaria de Deseño Industrial, logo de recoñecer que se lle pasara o documento facía “dous días”, comezou a súa disertación sinalando que se vai directamente contra os órganos de representación da investigación e da docencia. Que votaba en falta a referencia ao PAS e que lle parecía unha proposta que atentaba contra a representación dos centros. As súas intervencións, houbo máis, foron sempre manifestando unha oposición radical ao proceso. Moitas veces a súa incontinencia verbal interrompeu tanto ao vicerreitor presidente da comisión como a outr@s persoas que tamén interviñeron na sesión.
 
Xosé Portela contestoulle sinalando o seu pesar porque nin sequera se tomara a molestia de lerse a acta da sesión anterior onde xa, a representación do PAS manifestara que neste colectivo xa ai anos que se realizou esta “racionalización” da que son froito as UADI’s e as UXAI’s. Que se pretende, a “racionalización” da “racionalización”?. Pena, tamén que non lle dera tempo a lerse o propio documento que, nas súas páxinas 36 e 37 sinala o procedemento nos casos de afectación da “racionalización”ao PAS.
 
Outros representantes de centros sinalaron, por un lado que o momento non era o adecuado para tratar este asunto pois nas eleccións a reitor seguro que haberá xa un posicionamento ao respecto do que nos levaba á reunión.
 
Outro decano sinalou que a decisión do seu centro era que se posicionase sempre coa oposición...
 
Moitos dos presentes sinalaron que a falta de información lles impedía a toma de posición sobre os puntos a tratar na sesión
 
Xosé Portela manifesta que o que verdadeiramente está a transcender na reunión é que moitos centros xa tomaron a decisión de non aceptar, de ningún xeito, a proposta de “racionalización”. Pide que se diga claramente e que de ser a posición maioritaria se tome a decisión que corresponda.
 
O presidente da comisión pregunta sobre si se entende que a comisión debe seguir funcionando e sobre si serve o proxecto presentado, a resposta maioritaria é que si. Non obstante e aquí fica a cuestión máis transcendente é que se da un prazo dun mes para solicitarlle á presidencia a documentación e, a partir da información entregada, traballar.
 
Por que dicimos que a comisión está morta, primeiro porque moitos centros xa tomaron a decisión, aínda que non o expliciten claramente de boicotear a toma de decisións e xa, de xeito definitivo, porque despois de dar un mes para a solicitude de información iso colócanos en novembro cando xa previsiblemente comece a campaña electoral.