Ao incremento salarial, claramente simbólico e electoralista, xúntase tamén, a propaganda desenvolvida desde o goberno autonómico arredor da taxa de reposición que, segundo está previsto a nivel estatal, será por primeira vez do 100%, desde o inicio dos recortes, esta taxa de reposición suporá, como máximo, a cobertura das vacantes, de ningún xeito a creación de emprego real.
 
Temos que sinalar, tamén, que a restitución do 50% da paga extra de 2012 non ten data concreta para facerse efectiva, quedando a “libre disposición” do sr. Feijoo que seguro fará da súa devolución un novo cartucho electoral porque non podemos esquecer que no 2016 haberá eleccións autonómicas.
 
Se, a nivel xeral os traballadores e traballadoras somos quen realmente estamos a pagar os efectos dunha crise da que de ningún xeito somos responsables. Se os funcionarios e funcionarias do estado somos un dos colectivos que máis poder adquisitivo perdemos ao longo desta crise estafa. As funcionarias e funcionarios da administración autonómica de Galicia seremos, un ano máis, as/os grandes prexudicadas/os polos orzamentos da Xunta.
 
Proxecto de Orzamentos