Ante a falta de interese mostrado pola Xunta de Galicia os traballadores e Alternativas na Xustiza CUT decidimos comezar unha campaña de información á cidadanía da situación actual e real dos xulgados de Familia e Violencia sobre a muller e como afectaron os recortes.
 
No que se refire o Xulgado de Familia non podemos aceptar que:
 
• Xulgados por riba do 178% dos módulos que marcan o propio C.X.P.X
• As Medidas Previas á demanda (réxime de visitas, pensión alimenticia, atribución de
domicilio familiar) se sinalen para Abril do 2016.
• Que no último Trimestre 6 demandas presentadas no Xulgado de Familia nº 5 deriváronse o Xulgado de Violencia sobre a muller.
• Que o control semestral dos internamentos, o redor de 150 nestes momentos, derivados da garda de internamentos non se poda facer.
 
En relación os Xulgados de Violencia sobre a muller é inasumible:
 
• Que as medidas provisionalísimas teñan máis de 4 meses de retraso, provocando que os menores estén durante este tempo en contacto co maltratador.
• Que os traballadores teñan que facer xornadas de 9 e 10 horas en situación de estres.
• Que non existan psicólogos para atender á vítima nos primeiros momentos de shock
• Asumir os quebrantamentos, coa nova reforma lexislativa, co mesmo cadro de persoal
• Xulgados con ventilación inadecuada, sen salas adecuadas para as vítimas, sen espazo para as testemuñas.
• Que se teñan que suspender dilixencias urxentes
 
Os Traballadores é AXG-CUT consideramos imprescindible, na loita contra a lacra da Violencia Machista, o bo funcionamento dos xulgados de Familia, sobre todo a nivel preventivo, e os Xulgados de Violencia sobre a Muller para que os Maltratadores paguen polos seus abusos.
 
No día seguinte as roldas de prensa vostede declarou nos medios de comunicación a súa intención de reunirse cos axentes xurídicos vinculados a Violencia de Xénero para buscar solucións ás posibles disfuncións. Sinceramente consideramos que os traballadores que estamos día a día traballando coas mulleres e os menores contamos cunha experiencia que podería ser de gran axuda para buscar posibles solucións.
 
A CUT convoca folga no Xulgado de violencia de Vigo:
Xulgado de violencia de Vigo. Preaviso de folga