Representantes dos catro comites provinciais da Consellería de Política Social seguidos por un importantísimo número de traballadoras e traballadores realizaron a marcha con velas para reivindicar os dereitos eliminados polo PP. Reivindican a restitución  do artigo 19 do Convenio Único anulado de xeito unilateral e ilegalmente polo PP o que impide a compensación en descanso do traballo realizado en domingos e festivos quendas que sobrecargan ás traballadoras e traballadores que a duras penas poden realizar os traballos coa calidade necesaria. Denuncian a política austericida que anula a reposición dos traballadores ausentes por motivos tan xustificados como vacacións, baixas ... Maniféstanse, tamén contra a imposición de recortes de material (como exemplo sinalan que se lles limita o cambio de cueiros a 4 por día) o que provoca unha radical diminución da calidade de vida das persoas ao seu coidado.

Ao remate do acto un traballador leu un comunicado no que se sinalou a grave situación pola que están a atravesar, tanto eles coma as persoas ao seu cargo.