Por haches ou por bes
Pobre de quen pense que as regulamentacións protexen a igualdade de trato no que ao desenvolvemento dos postos de traballo se refire. Para quen nos goberna as instrucións, regulamentos, ordes, resolucións..., aplícanse a conveniencia e sempre que non apareza unha “excepcionalidade” que xustifique un tratamento “especial”. Pasou coas comisións de servizo do persoal funcionarizado, pasa tamén coa da xefatura do Servizo de Prevención e pasará nos casos nos que á Xerencia, por haches ou por bes, lle salga do forro das entretelas.

Comisións de servizo
Logo empezou a dar sinais o novo reitor do que vai ser a súa “lexislatura”, sen tomar posesión xa adopta decisións que, podendo representar unha vantaxe para algún traballador ou traballadora, non deixa de ser unha patada nos dentes da normativa que a esta mesma Xerencia no seu día negociara.