BBVA foi a institución financeira española que máis relación ten coas empresas de armamento nuclear por preto de 3.1 mil millóns de dólares, gran parte do cal (máis de 1.37 mil millóns de dólares) foi outorgado en préstamos sindicados ou bonos a Boeing, a multinacional Airbus e Jacobs Engineering (EE.UU.).
 
   Ditas compañías tamén traballan sobre a construción de mísiles balísticos intercontinentais (ICBM, polas súas siglas en inglés) Trident II-D5, que son capaces de lanzar 12 cabezas nucleares a 12 obxectivos distintos.
 
     O mencionado banco español, que é o segundo máis grande de España, tamén financia a outras empresas estadounidenses como Babcock & Wilcox e General Dynamics e a francesa Thales, todas elas activas en ámbitos relacionados con armas nucleares de varios países.
 
     Pola súa banda o Banco Santander colabora no financiamento de armas nucleares coa concesión de préstamos e coa emisión de bonos por un total de 1.675 millóns de dólares a compañías activas na renovación e produción de armas nucleares.
 
      A pesar dos acordos alcanzados para cesar a produción de armas atómicas en 2011 a Administración do presidente estadounidense Barack Obama presentou un plan para modernizar e manter o arsenal nuclear de Estados Unidos.
 
     Na actualidade EE.UU. ten entre 2.104 e 4.804 armas nucleares mentres que o arsenal atómico do Reino Unido estímase entre 160 e 220 dispositivos actuais, segundo a Federación de Científicos Estadounidenses (FAS, polas súas siglas en inglés).
 
LibreRed/HispanTV
 
Recollido de Canarias Semanal