Febreiro de 2016
 
 

NÚMERO 303 - 22/02/2016

   CUTUDC / Novidades

  PLATAFORMA GALEGA POLO DEREITO AO ABORTO DA CORUÑA
 

O Chuac vulnera dereitos sexuais e reprodutivos das mulleres (vídeo)

A Plataforma Galega polo Dereito ao Aborto de A Coruña con data de 20 de xullo deste ano 2015, entregou no rexistro do Complexo Universitario da Coruña un escrito dirixido ao Xerente do complexo e ás directoras médica e de enfermaría, no que describía como tiña que ser a atención ás mulleres que teñen un aborto no 2º Trimestre da xestación, segundo os protocolos internacionais, denunciando que non se estaban a cumprir os mínimos do que marcan os protocolos, polo que instabamos ás autoridades responsables a que tomasen as medidas oportunas para garantir unha atención integral e de calidade na atención ás mulleres que precisaban un aborto no 2º trimestre do seu embarazo.

 

  • Noticias relacionadas

 

 Despois de case sete meses e dado que non houbo resposta, facemos un chamamento a toda a cidadanía a que exprese o seu rexeitamento a esta situación:
 
Tendo coñecemento de que:
 
1º. A Plataforma Galega polo Dereito ao Aborto de A Coruña con data de 20 de xullo do ano 2015, entregou no rexistro do Complexo Universitario da Coruña un escrito dirixido ao Xerente do complexo e ás directoras médica e de enfermaría, no que describía:
• Como debería de ser a atención ás mulleres que teñen un aborto no 2º Trimestre da xestación, segundo os protocolos internacionais (Conferencia Internacional sobre Poboación e Desenvolvemento, O Cairo 1994 e a súa revisión posterior (Nova York 1999).
• Como non se estaban a cumprir os mínimos que marcan os protocolos, polo que instaba ás autoridades responsables a que tomasen as medidas oportunas para garantir unha atención integral e de calidade na atención ás mulleres que precisaban un aborto no 2º trimestre do seu embarazo.
 
2º. Despois de case sete meses non houbo resposta pola administración.
 
SUMÁMONOS Á DENUNCIA da Plataforma Galega polo Dereito ao Aborto da Coruña
 
“Que as autoridades da área sanitaria da Coruña están a vulnerar os dereitos sexuais e reprodutivos de todas nós. Porque as mulleres que teñen necesidade de que se lles practique un aborto de máis de 14 semanas por causas médicas, no hospital materno -infantil da Coruña son dobremente castigadas ao non ter a mesma atención que nun parto.
 
Ao trauma de ter que interromper un embarazo desexado, cómpre engadirlle que van parir o feto morto sen posibilidade de anestesia epidural.
 
Ademais non se lles pode garantir que vaian ser atendidas durante todo o proceso por xinecólog@ ou matrona, nin que vaian ter o expulsivo (parto) asistido nun paritorio e non na habitación de ingreso.
Para ter a seguridade de dispor dunha atención axeitada tal e como recollen os protocolos internacionais: ser atendida en todo momento por profesionais de xinecoloxía e ter acceso á anestesia, as mulleres teñen que desprazarse ata Madrid.
 
Ademais non queremos esquecernos de denunciar tamén que as mulleres de 30 concellos do rural : Abegondo,Aranga,Arteixo, Bergondo, Betanzos, Cabanas, Camariñas, Carballo, Cee, Cerceda, Coirós, Corcubión, Coristanco, Culleredo, Curtis, Dumbría, Fisterra, Irixoa, Laracha, Malpica, Miño, Muxía, Oza - Cesuras, Paderne, Ponteceso, Sobrado dos Monxes,Vilarmaior, Vilasantar, Vimianzo e Zas, están sen profesional de xinecoloxía no seu Centro de Orientación Familiar de referencia (O COF do Ventorrillo) dende xaneiro do 2013.
 
Este tipo de atención vulnera os acordos internacionais sobre os “Dereitos Sexuais e Reprodutivos” recoñecidos como dereitos humanos.
 
E por todo instamos a que se adopten as medidas oportunas para garantir unha atención integral e de calidade.
 
Se queres participar envía este escrito de reclamación aos correos electrónicos de:
-Francisco.Jose.Vilanova.Fraga@sergas.es
- Pilar.Mata.Freire@sergas.es
- Maria.Angeles.Navasquillo.Lorda@sergas.es
• Enviando chíos a @PGAbortoCorunha,
 
 
VIDEO
 

 


 

 

 

 

 


CUT da UDC . SEMPRE DO LADO DAS TRABALLADORAS E TRABALLADORES

cutudc.com, 2009. Publicado baixo licencia Creative Commons DHTML Menu By Milonic JavaScript