NÚMERO 307 - 21/03/2016
CUTUDC / Novidades
TRABALLADOR@S EVENTUAIS DO SERGAS
@s eventuais marchan contra a "tiranía" do Sergas
Os traballadores eventuais recolleron este mércores a testemuña dos sindicatos sanitarios, que xa protestaron a semana pasada en Santiago contra a "ridícula" OPE do Sergas. Varios centos de persoas marcharon este mércores desde o Obradoiro cara á Xunta, reclamando que se cubran "as aproximadamente 3000 vacantes" que se xeraron durante os últimos anos, pero tamén denunciando a "tiranía" que exerce o Sergas con contratos precarios "por días ou por horas" para os traballadores eventuais.
-
Noticias relacionadas
Segundo explicou Eli Dosil, portavoz do Sindicato de Sanitarios Públicos Galegos (SAGAP), o obxectivo último desta marcha é visibilizar os problemas dun colectivo que segundo os seus cálculos xa supón "máis do 30% dos traballadores do Sergas". Como proba da precariedade das súas condicións levaron copias das súas vidas laborais ata San Caetano, que inclúen contratos "por días ou por horas", non fóra a ser que o conselleiro de Sanidade "nos tachase de mentireiros".
Sinalan que a precariedade do persoal sanitario está a notarse na atención que recibe o usuario: "non sentimos igual de seguros á hora de dar unha atención cando se nos está cambiando de unidade, de planta... non só dun día para outro, mesmo no mesmo día". Eli Dosil sinala que o usuario percibe os fallos que se dan no trato directo, pero moitas veces non é totalmente consciente dos problemas que xera a escaseza de persoal e a precariedade do mesmo: "non se pechan as camas, as camas están aí, o que pasa é que non se contrata a persoal para atender aos pacientes que deberían estar aí".
Para solucionar estes problemas únense ás esixencias do resto dos sindicatos sanitarios, reclamando que o Sergas eleve a súa convocatoria de 818 prazas para 2016 ata as aproximadamente 3000 vacantes que segundo os seus cálculos se destruíron durante os últimos anos. Pero tamén esixen un pacto de contratacións "xusto, claro e para todos", que non estea sometido a múltiples interpretacións, para que "cando un traballador se apunte a unha lista saiba cales van ser as condicións do seu futuro" e poida decidir se lle compensa.
Só así se solucionaría unha secuela que afecta a todas as categorías profesionais, desde "o médico, o técnico de raios, o celador..." e que podería mesmo acabar con algunhas categorías profesionais como a de moz@ de cociña ou mantemento.
Galiciapress
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript