A resposta da Xerencia foi que as tres universidades xa estaban en conversas coa Xunta de Galiza para devolver esa parte a tod@s @s traballador@s das tres universidades independentemente da súa condición de PAS laboral ou funcionario. Comentou tamén o xerente que, no momento en que a Xunta librase o orzamento necesario para facer fronte a ese pagamento sería introducido no orzamento.
 
Contra esta argumentación sinalamos que as sentenzas son directamente contra a universidade e abondaría que un sindicato dos demandantes requirise o cumprimento da sentenza para que a universidade tivese que facer fronte ao pagamento. Requirímoslle ao xerente que apremiase á Xunta o pagamento.
 
Nestes días @s nosas compañeir@s da Xunta de Galiza informáronnos que a Xunta xa se está a comprometer a afrontar o pagamento destas cantidades @s traballador@s en datas próximas, sen ir máis lonxe, o día 18 deste mes, na reunión realizada entre o xerente do Consorcio de Igualdade e Benestar e os sindicatos sinalouse que se realizaría a devolución coa nómina do mes de maio.
 
Diante desta circunstancia e, entendendo que a Xunta parece querer dilatar a devolución á universidades públicas requirímoslle á representación da UDC contundencia na reclamación duns diñeiros incautados indebidamente pola Xunta de Galiza.