Esta folga ten lugar mentres  os representantes do Executivo e os seus acredores, o  Banco Central Europeo, a Comisión   Europea e Fondo Monetario Internacional  celebran "negociacións" que, segundo todos os indicios, concluirán con novas  medidas de "axuste" .
 
Pero a convocatoria de folga non quedou reducida á prensa escrita e dixital grega. Tamén a Federación de Mariñeiros de Grecia convocou unha folga de 48 horas, que ameaza con ampliarse en máis días.  Os sindicatos reclaman que a súa caixa de pensións suplementarias non se inclúa na Axencia de Seguridade Social Unificada.
 
Por outra banda, os traballadores das  televisións públicas e privadas, iniciarán o paro a primeiras horas deste venres, para concluílo o vindeiro domingo.
 
Grecia volve estar dramaticamente convulsionada, e o goberno   pusilánime de Syriza é incapaz de opoñer a máis mínima resistencia ás presións dos consorcios europeos, encartándose ás súas esixencias tal e como facían os Executivos que o precederon. Sen novidade, pois, en Grecia, salvo aquelas que regularmente empezan a dar a súa  clase traballadora. 
 
Canarias semanal