O Ministerio das Zonas Ocupadas e a Diáspora culpou nun comunicado a Rabat da morte do preso político, quen permanecía desde hai varios días en folga de fame contra malos tratos de autoridades da prisión, e expresa "a súa máis sentido pésame aos familiares, a todos os sindicalistas, activistas e a todo o pobo".
 
"Saika foi un dos heroes e líderes da Coordinadora de Desempregados Saharauís e foi un exemplo na valentía, a intrepidez e o desafío pola liberdade e a dignidade dos demais", agregou a declaración oficial.
 
O texto do Executivo chamou a todos os patriotas e sindicalistas tanto saharauís como marroquís e ás federacións sindicais de todo o mundo "para condenar este asasinato e solidarizarse coa familia do mártir ata coñecer a verdade".
 
Os gobernantes saharauís solicitan no comunicado investigar as causas do crime mediante unha autopsia e o seu correspondente certificado de defunción para levar aos responsables a un xuízo público xusto, transparente e en presenza de observadores internacionais.
 
Saika, preso político saharauí que xa sufriu unha anterior detención en 2008 cando era estudante na universidade de Marrakech, faleceu a véspera nun hospital de Agadir (Marrocos), tras entrar en estado de coma poucos días despois da súa detención de forma arbitraria o primeiro de abril de 2016, sinala a declaración.
 
Segundo o goberno da RASD, o prisioneiro, quen era licenciado universitario e máster en socioloxía, foi torturado na mesma comisaría de Gulemin onde foi arrestado por participar nunha concentración de protesta xunto a centenares de desempregados saharauís "que pedían o dereito ao traballo e unha vida digna".
 
Saika, quen tras a súa detención comezou unha folga de fame en protesta polos malos tratos ao que foi sometido, como ocorre con todos os presos políticos saharauís, careceu de tratamento adecuado para salvar a súa vida cando se agravou o seu estado de saúde, acorde co comunicado.
 
A morte de Brahim Saika prodúcese nun contexto de virulentas  expresións de protesta e confrontacións  entre manifestantes saharauís e  forzas militares de ocupación marroquí. No curso das pasadas semanas os disturbios ocasionaron a morte dun dos manifestantes así como un gran número de feridos e detidos polas forzas ocupantes.
 
Canarias semanal