A acción reivindicativa dos docentes produciuse en resposta a unha convocatoria da Federación de Profesores, que comunicou que o distrito quedará sen diñeiro para seguir pagando aos mestres este verán, se non recibe máis axuda do estado.
 
Con esta acción, os educadores lograron o peche de 87  das 100 escolas situadas neste distrito, de acordo co contido dun correo electrónico de Michelle Zdrodowski, voceiro do Distrito Escolar de Detroit.
 
Pola súa banda, a presidenta interina do sindicato, Ivy Bailey, declarou a través dun  comunicado que “ao negarse a garantir o pago polo noso traballo, na práctica o distrito escolar está a deixar aos nosos membros fóra das aulas”.
 
En opinión de Bailey  , o distrito escolar está a atentar,  ao non pagarlles a xornada de traballado, contra o desexo dos traballadores de permanecer  nas escolas e dar aos nenos a oportunidade de aprender e alcanzar o seu potencial”.
 
Desafortunadamente, - lamentouse- ao negarse a pagar polo noso labor, o distrito escolar, efectivamente, “está a sacarnos das aulas”.
 
Pola súa banda, o xuíz Steven Rhode, outrora xestor de bancarrotas e agora encargado de supervisar o distrito educativo de Detroit,  manifestou oficialmente que “a drástica convocatoria” dos profesores “non era necesaria”.
 
Non hai que esquecer que esta cidade, que foi durante algunhas décadas sede da industria automobilística do país, constitúe hoxe un vivo exemplo do que foi o  “soño americano” e do que del quedou. 
 
Sinaladamente,  a gran prensa internacional corporativa e as súas campás de repetición, que durante os anos de esplendor da cidade dedicáronse a recrear o asombro por   “os éxitos do capitalismo” que esa cidade encarnaba, elude agora informar sobre estes pequenos  “fallos do sistema”.
 
Canarias Semanal