No Ministerio de Facenda e Administracións Públicas os técnicos traballan pensando en que a convocatoria oficial das probas se realíce, no mellor dos casos, a finais do mes de setembro, aínda que a perspectiva é que se atrase ata outubro. Con este atraso, os opositores da quenda libre e os funcionarios de promoción interna  non teñen posibilidade de preparar os temarios na súa totalidade xa que non se saberá nin o número de temas nin o contido dos mesmos, e moito menos, a data dos exames ata que o novo Goberno estea constituído.
 
Os exames, como moi pronto, empezarían realizarse a partir do mes de febreiro de 2017 o que podería alongar o proceso de superación das probas e adxudicación das prazas ata 2018, o que condicionará tamén a convocatoria de emprego público do próximo exercicio.
 
Cabe lembrar que, desas 19.121 prazas da OEP, 13.427 son novas e 5.694 están destinadas a promoción interna para empregados públicos en activo. A maioría das prazas libres convocáronse nos ámbitos da loita contra a fraude fiscal e laboral, a Xustiza, forzas e corpos de seguridade do Estado, ou a asistencia directa aos usuarios de servizos sociais.
 
Esta OEP cobre aproximadamente, o 85% das prazas de funcionarios que se xubilou este ano, porcentaxe insuficiente tendo en conta o envellecemento do persoal, e a  destrución de postos de traballo acumulada ao longo dos últimos anos da crise económica.
 
Non se pode obviar que nos próximos 10-15 anos xubilaranse na Administración Xeral do Estado, Prisións, Xustiza e Forzas e Corpos de Seguridade preto de 120.000 persoas, 26.000  farano de maneira inminente ao ter máis de 60 anos.
 
Funcionario hoy
Marcelino Ollé