NÚMERO 322 - 04/07/2016
CUTUDC / Novidades
O PRINCIPIO DO QUE NOS ESPERAL
Rajoy prepara xa outra subida da luz
O Ministro de Economía, en substitución do Ministro de Industria, propuxo hoxe, día 30 de xuño, unha subida do 0.2% na factura da luz a uns 12,5 millóns de usuarios.
-
Noticias relacionadas
Faino apenas tres días despois das eleccións xerais para cumprir coa sentenza do Tribunal Supremo, que o 30 de maio daba un mes ao Executivo de Rajoy para modificar a marxe de comercialización con que quedan as empresas eléctricas. Trátase dos recibos contratados con Endesa, Gas Natural Iberdrola, EDP e Viesgo baixo a chamada tarifa regulada ou “prezo voluntario do pequeno consumidor (PVPC).
O Supremo deu 30 días para aprobar a nova metodoloxía que reordene a marxe de comercialización: “Aínda que o impacto da proposta do Goberno sobre a factura é moi inferior ao proposto inicialmente por Comisión Nacional do Mercado de Valores (CNMC), xa que se estima un incremento medio do 0,2% do recibo e unha facturación de atrasos duns 2 euros por familia, o efecto retroactivo do axuste será, sen dúbida, relevante a efectos de incrementar a enorme confusión que existe actualmente en relación coa facturación eléctrica”, critica a Plataforma por un Novo Modelo Enerxético.
A subida comunicada hoxe por Luís de Guindos como titular substituto de Industria é moito menor que a proposta hai días pola CNMC, que se inclinaba por incrementos de ata o 7%. O Goberno decidiu recortar outras partidas para que poderían afectar outros números das eléctricas, polo que non se trata dunha aposta segura e podería volver ser recorrida.
Ante este transo entre eléctricas e Goberno nos tribunais, a Plataforma por un Novo Modelo Enerxético denuncia “a irresponsabilidade política de esperar ata o último momento, con criterios claramente electoralistas, para establecer unha metodoloxía como a que esixía a sentenza do Supremo”. Critica ademais que a proposta de Industria “dista moito de eliminar a permanente incerteza que se cerne sobre o recibo da luz”.
“Trátase nada menos que da terceira vez desde o ano 2012 na que se efectúan refacturacións sobre consumos de enerxía pasados, complicando aínda máis a xa difícil interpretación do recibo e abonando o terreo para os abusos de comerciais das eléctricas que, como vimos denunciando, aproveitan a complexidade reinante para enganar ao consumidor”, denuncia a plataforma. Lembra que as empresas eléctricas veñen a ofrecer “ofertas comerciais supostamente moi vantaxosas; pero que, segundo afirma a propia CNMC, finalmente resultan nun custo maior que a tarifa oficial do Goberno”.
“Ademais esiximos que, á vez que se fixan marxes na actividade comercial das eléctricas de referencia, se revisen os mecanismos retributivos no resto de actividades do sector que permiten ás tres principais compañías obter unha marxe bruta das súas actividades en España superior a 7.000 millóns de euros anuais”, pide o colectivo.
EB
O recibo da luz sube un 9% en xuño
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript