Ese instituto da NASA afirma que o planeta se está quentando a un ritmo non experimentado no últimos mil anos, polo que é “moi improbable” que o mundo vaia a permanecer dentro dos límites de temperatura acordados o ano pasado en París. Coa calor deste ano a temperatura media do planeta subiu 1,38 Cº máis do previsto, achegándose ao 1,5 Cº posto como límite de seguridade na Convención climática de París. De feito, xullo foi o mes máis cálido da historia, polo menos desde que se teñen rexistros oficiais desde 1880.
 
“Para manter as temperaturas por baixo dese 1,5 Cº de seguridade necesítase un gran e rápido recorte nas emisións de CO2. Con todo é bastante pouco probable que iso suceda, pois nin sequera estamos a reducir as emisións para evitar chegar a un incremento límite de 2 Cº”, lamenta Schmidt.
 
Un estudo recente desvela que de seguir a este ritmo de emisión durante o próximos cinco anos non habería volta atrás para recuperar temperaturas máis saudables por baixo do 1,5 Cº de seguridade nin para evitar o cambio climático. Segundo a NASA, o aumento da temperatura que se rexistrou o século pasado é ao redor de 10 veces máis rápido que a taxa rexistrada no total dos mil anos antes. Ademais, anticipa que durante este século XXI o mundo quentarase a unha velocidade “polo menos” 20 veces máis rápido que a media histórica.
 
Fonte recollido de El Ventano