En 2012, a sueca Ericsson destinou preto de nove millóns de euros a esta partida. ExxonMobil Petroleum & Chemical, a primeira no ranking no que vai de ano, non chega nin á metade desa cantidade, pero a media crece. E destaca a entrada dalgunhas compañías. Entre elas, a de Deutsche Bank (case catro millóns en labores de cabildeo), un banco baixo sospeita pola cantidade de activos tóxicos que encerran os seus balances.
 
No caso do sector bancario, boa parte dos seus esforzos de lobby diríxese a crear termos como "demasiado grandes para caer" (too big to fail) para disuadir ás autoridades europeas de ter a tentación de non levar a cabo plans de rescate en caso de treboada financeira. Así, na lista publicada hoxe por Lobbyfacts, destaca a entrada do sector financeiro-bancario. Ata oito bancos entran no top 50 de multinacionais máis influentes, entre elas Credit Suisse, HSBC, Merryl Linch ou BlackRock.
 
Pero o sector bancario non é o principal comensal desta mesa. Son as multinacionais enerxéticas as que copan máis postos da lista de influencias. A Exxon e Shell acompáñanlle outras petroleiras como BP, e eléctricas como E.ON ou Enel. Entre os seus labores, limitar os posibles efectos prexudiciais de posibles medidas para paliar o cambio climático.
 
Comparten estes obxectivos coa industria automobilística, entre a que destaca Volkswagen, que se sitúa no posto número sete das empresas que máis gastaron en 2016, tras o escándalo das emisións de coches da súa gama diésel. Como xa se publicou, as grandes contaminantes son habituais do despacho do comisario Europeo de Cambio climático e Enerxía, que reparte as súas audiencias cun 94% para as grandes empresas e un 6% para ONG e outras organizacións.
 
Por último, destaca o número de empresas de tecnoloxías e comunicacións, coa entrada da chinesa Huawei neste top ten. Temas como a fiscalidade ocupan parte destas tarefas de presión. Google (no sexto lugar do ranking), por exemplo, destina case o dobre a influír en Bruxelas que os impostos sobre beneficios que paga en España. 
 
Telefónica é a única multinacional "española" na lista das empresas que máis destinan a tarefas de lobby na UE. A multinacional que preside José María Álvarez-Pallete destinou dous millóns de euros a este capítulo. Entre os beneficios que obtén a multinacional, desde agosto, pódense apuntar a súa presenza noutra lista, a das compras privadas de débeda que está a levar a cabo o BCE para apontoar ás grandes empresas europeas.
 
inforelacionada
 
Como pensar un mundo sen corporacións
 
Diagonal Periódico