En xuño, o Ministerio de Interior programou voos de deportación con destino Conakry e Nixeria, e tamén a Malí e Senegal. Ambos foron operados tamén pola compañía Air Europa. Esta compañía conseguiu o pasado maio, por terceira vez e a través dunha unión temporal de empresas con Swift Air, o contrato para levar a cabo os voos de deportación por unha duración de 18 meses e por un monte de 12 millóns de euros.
 
Desde Stop Deportacións lembran que o 27% das 10.594 expulsións de persoas migrantes en situación irregular que tiveron lugar o pasado ano realizáronse desde os centros de internamento de estranxeiros (CIE), mentres o resto realizáronse como 'expulsións exprés' desde as comisarías. Son deportacións que ocorren ao acabar as 72 horas de máximo que a policía pode reter a unha persoa ata que pasa a disposición xudicial e é un modelo de expulsión xa xeneralizado, segundo se desprende do informe de 2015 do Mecanismo Nacional de Prevención da Tortura, elaborado polo Defensor do Pobo. Este informe cifrou en 6.869 as expulsións realizadas en 2015 e noutras 3.725 as devolucións. Da suma desta cifra, 2.871 foron persoas que estiveron antes recluídas nun CIE, o que supón o 41% da poboación en 2015 dos centros de internamento.
 
[Actualizado ás 16h: Desde Stop Deportacións avisan que o voo de deportación do próximo martes podería ser suspendido].
 
Diagonal Periódico