Despois de lembrar que o día 13 de setembro xa está programado un acto unitario que consiste na entrega de sinaturas no rexistro central de San Caetano contra os recortes de dereitos laborais, sociais e económicos sufridos por tod@s @s traballador@s da Xunta de Galicia nos últimos sete anos, decídese propoñer, no Comité Intercentros, a realización de máis mobilizacións.
 
Nesta liña de manter as mobilizacións acórdase  realizar o día 15 de setembro, unha caravana de coches con saída ás 9:00 horas, desde a RM de Caranza, pasando por RM de Oleiros, o CAPD, o CEM San José de Calasanz e rematando na Xefatura Territorial.
 
Infórmase de que @s educador@s do CAPD non cobran o complemento de responsabilidade o que representa unha clara discriminación. Insístese, de novo, en que faltan educador@s nas aulas do CAPD. Infórmase, tamén de que houbo dous accidentes graves na cociña.
 
Infórmase de que no Albergue de Gandarío a dirección impuxo as vacacións, que non pensan prorrogar os contratos d@s traballador@s, externalizando o servizo mediante a subcontratación cunha empresa privada. Nesta deriva informouse de que se contratou unha empresa de catering nalgún fin de semana para non facer os chamamento utilizando as listas.
 
Diante da falta de resposta nas solicitudes de reunións que se fixeron, de xeito reiterado, nos centros Torrente Ballester e Volta do Castro decídese facer unha nota de prensa e insistir na solicitude de reunións.
 
Acordase instar á Comisión de Listas e á Xefatura Territorial para que abran novas listas nas categorías que están esgotadas ou a piques de estalo.

Adóptase a decisión de presentar conflito  colectivo  por  falta  de  homoxeneidade  nas  carteleiras.