"Se non actuamos pronto, só haberá pequenos remanentes de terras salvaxes en todo o planeta, e isto é un desastre para a conservación, para o cambio climático, e para algunhas das comunidades humanas máis vulnerables", avisa o autor principal do informe, o doutor James Watson, da Universidade de Queensland en Australia e a Wildlife Conservation Society en Nova York. "Temos o deber de actuar para os nosos fillos e os seus fillos".
 
Watson e o seu equipo delimitaron áreas virxes en todo o mundo, as que se definen como "paisaxes biológicamente e ecoloxicamente intactos, libres de calquera perturbación humana significativa", e logo compararon cun rastrexo similar producido polos mesmos métodos na década dos 90.
 
Os resultados son "devastadores", segundo Óscar Venter, outro dos autores, da Universidade de Northern British Columbia. O estudo informa da perda dun total de 3,3 millóns de quilómetros cadrados desde os 90, especialmente en Suramérica, que perdeu un 29,6%, e África, cun 14%.
 
Na actualidade, permanecen un total de 30,1 millóns de quilómetros cadrados de áreas virxes en todo o mundo, localizadas en América do Norte, Asia, o norte de África e Australia.
 
Os investigadores consideran que o rápido desenvolvemento durante os últimos vinte anos acabou co 10% das zonas salvaxes.
 
A pesar de ser redutos de biodiversidade en perigo de extinción, Watson sinala que as áreas silvestres "ignóranse por completo na política ambiental" e que reverter a súa desaparición levaría outro vinte anos. Para Venter, con todo, isto é irrecuperable: "Unha vez que desapareceu unha zona salvaxe, e o ecosistema que a sustenta, nunca volve ao que era antes".
 
Diagonal Peródico