O 28% dos casos recolleitos no documento están relacionados con conflitos e agresións racistas, seguidos de denuncias de racismo institucional (22,86%) e problemas coa seguridade pública (18%).
 
A portavoz de SOS Racisme Catalunya, Alba Cuevas, apunta que “actuacións de violencia como as denunciadas no informe da federación ou no propio de Catalunya mostran un preocupante aumento das actitudes racistas e dun racismo de baixa intensidade no Estado”.
 
É por iso que desde o colectivo insisten na necesidade de buscar solucións “que melloren o tratamento destas situacións que se están enquistando na nosa sociedade”, tal como apuntaron Mohamed Gerehou, presidente de SOS Racismo Madrid, e Mikel Mazkiaran, secretario xeral da federación.
 
Entre as esixencias respecto diso ao próximo goberno están a elaboración urxente dunha Lei Integral contra a discriminación así como unha Lei de protección de vítimas de delitos de odio "que protexa a estas independentemente da súa situación administrativa, que amplíe o concepto de delito de odio a outros supostos recolleitos no Código Penal como son a denegación de prestacións públicas e privadas, a discriminación laboral ou actuacións dos corpos e forzas de seguridade do Estado".
 
Contido en violencia
 
O 50% do total dos incidentes de odio con motivación racista ou xenófoba denunciados nas oficinas de SOS Racismo tivo un contido en violencia, xa sexa física ou verbal, que preocupa especialmente á federación. Estes incidentes violentos foron perpetrados tanto por particulares como membros de grupos de extrema dereita e axentes de empresas de seguridade privada.
 
Tamén consideran significativo “o número de casos de discriminación racista e xenófoba vinculada á denegación acceso a establecementos de lecer como bares e discotecas, servizos inmobiliarios, aluguer de vehículos, etc”, destacan.
 
Vanessa Míguez, presidenta de SOS Racismo Galicia valorou como estas cifras se traducen na práctica en insultos, agresións, conflitos veciñais ou casos de acoso que menoscaban a convivencia e inflúen de forma moi negativa na vida cotiá de persoas que deben considerarse vítimas de delitos".
 
Pola súa banda, respecto das cifras do número de casos atendidos e da aparente estabilidade do número de casos recolleitos nos últimos anos, Mazkiaran sinalou que "a pesar de que o número de casos nos que intervén a federación é estable nos últimos anos, non significa que non aumentasen, senón que permanecen invisibles ben porque se normalizou o acto discriminatorio e non se percibe como un delito, ben polo descoñecemento das vítimas". 
 
Un das circunstancias que corroborarían a afirmación de Mazkiaran é o recente test que realizou SOS Racismo sobre o acceso á vivenda. Del despréndese que “en moitos dos casos aprécianse preocupantes comportamentos racistas na nosa sociedade que non se reflicten en ningunha estatística oficial”, indican desde o colectivo.
 
DIAGONAL PERIÓDICO