"Yalah!" será ofrecido polo proxecto dixital de comunicación Cubainformación, do Movemento de Solidariedade con Cuba, co obxecto de levar ao campo da comunicación unha longa tradición de solidariedade da Revolución cubana co pobo saharauí.
 
Lembremos que Cuba, desde 1977, desenvolveu unha política de bolsas da que se beneficiaron máis de 4.000 moz@s do Sahara Occidental, e que hoxe existen preto de catrocentos estudantes da RASD en diferentes especialidades na Illa, principalmente en Medicina.
 
Todas as asociacións de amizade e solidariedade coa RASD no mundo, así como da diáspora saharauí, están convidadas a colaborar neste espazo, que desexamos fagades voso. Escribide para iso a cubainformacion@cubainformacion.tv
 
A continuación ofrecémosvos o primeiro dos contidos en vídeo de "Yalah!". Un faladoiro na que se realiza un percorrido histórico polo conflito saharauí: a colonia española no Sahara Occidental, a invasión e ocupación marroquí do territorio, e a Intifada que, desde hai unha década, vén desenvolvéndose nos territorios ocupados por Marrocos.
 
Neste contexto, a solidariedade e cooperación doutros países coa República Árabe Saharauí Democrática, foi vital. O caso de Cuba é paradigmático. O 20 de xaneiro de 1980 Cuba recoñeceu oficialmente a RASD e, do mesmo xeito que fixo con outros países do Sur, ofreceu xenerosas bolsas para estudantes saharauís. Os primeiros chegaron en 1977.
 
De todo iso falan  Isabel Uria, membro da Asociación de Amigos e Amigas da RASD de Bizkaia, e  Ali Salem Iselmu, poeta e escritor saharauí que estudou en Cuba e é autor do libro "Un beduino no Caribe".
 
Presenta: Tfarrah Mohamed Yeslem. Participan na confección deste programa: Coordinadora de organizacións vascas de solidariedade coa RASD "27 de febreiro", Asociación de Mozos Saharauís de Euskal Herria e a Diáspora Saharauí en Bizkaia (DISABI).
 
VÍDEO:
 

 
Canarias Semanal

 
Recollido de Kaosenlared