En concreto a denuncia parte dunha traballadora que en setembro de 2012 comezou a traballar de axudante de cociña nun colexio dependente da Consellaría. En xuño de 2016 comunícanlle o cese, como xa sinalamos, porque a praza ía ser ocupada pola persoa titular da mesma. Diante desta circunstancia a traballadora decide interpoñer denuncia no xulgado para reclamar a súa condición de  indefinida.
 
O Xulgado, na sentenza que pode ser recorrida, establece que o cesamento é axustado a dereito por considerar que a praza cubriuse polos procedementos regulamentarios, pero sinala o dereito da traballadora a ser indemnizada con 20 días de traballo por cada ano que prestou servizo correspondéndolle, por este motivo, a cantidade de 5.415,67 euros.