O pasado día 14, como xa vos anunciamos, realizouse unha reunión da Xerencia coa Xunta de Persoal, nela analizáronse todos os procedementos que compre reactivar urxentemente, os que con máis ou menos urxencia compre iniciar e, como se produciu o cambio de xerente sinalóuselle unha relación de reivindicacións xa presentadas e que, ou ben non tiveron resposta ou que o anterior xerente non aceptara pero que seguimos reclamando.
 
A reunión centrouse na convocatoria do concurso de méritos Acordouse que as bases sexan as do último concurso realizado en 2014 e que foran votadas polo colectivo. Noutra orde de cousas sinalouse que poderán participar tod@s @s funcionari@s que leven dous anos no último destino obtido con carácter definitivo o que supoñerá que o persoal funcionarizado, poderá participar no concurso sempre que, como persoal laboral e funcionario compute eses dous anos (a práctica totalidade independentemente de cando se funcionarizou).
 
O xerente convocará, nesta semana, á Xunta de Persoal para revisar as bases da convocatoria e as prazas que sairán no concurso.
 
Promocións démonos de prazo até o día 24 deste mes para realizar o nomeamento dos tribunais.
 
A Xerencia acepta prorrogar o o prazo de goce dos días de libre disposición e das vacacións até o 31 de xaneiro, comenta que este tipo de acordos, normalmente son froito dunha negociación onde a outra parte fai algunha concesión pero que neste caso, debido á premura e como mostra de boa vontade, acepta a petición realizada pola Xunta de Persoal. Maniféstaselle o baixo nivel da concesión debido ao condicionante de que os servizos deben estar cubertos. O feito de que este prazo só se habilite para este ano fainos pensar que, en anos posteriores, negociarase baixo o criterio sinalado pola Xerencia.