Durante a sesión de control ao Goberno no Pleno do Congreso, Montoro indicou que esta iniciativa dará continuidade ao plan CORA (Comisión para a Reforma das Administracións Públicas) nos eixos de reforma de gobernanza pública, novas tecnoloxías, emprego público e racionalización das estruturas do sector público.
 
Montoro subliñou que este novo plan demostra que os proxectos de reforma da Administración non se esgotan cos realizados na anterior lexislatura, período no que o Goberno de Mariano Rajoy impulsou a Administración dixital e electrónica no marco do programa CORA.
 
"A dixitalización da Administración ten límites aínda afastados e temos moita capacidade para desenvolvela", apuntou o ministro en resposta a unha pregunta do deputado do PP Juan José Matarí.
 
Montoro apuntou ademais que actualmente 16 das 17 comunidades autónomas están adheridas ao sistema FACe de facturación electrónica, a través do cal se remitiron no que vai de ano ao redor de 2,6 millóns de facturas, cun aforro de 13 millóns de euros para os cidadáns e as empresas.
 
"Temos cada vez máis unha Administración mellor comunicada e eficiente ao servizo dos cidadáns", concluíu o ministro de Facenda.
 
Como vedes, nas súas explicacións, Montoro referiuse exclusivamente á implantación das novas tecnoloxías na xestión administrativa. Non se referiu de ningún xeito nin adiantou as medidas que a nivel de gobernanza pública, emprego público e racionalización das estruturas do sector público. Para poñerse a tremer.
 
La Administración al día