Temos... o que votamos
Nunca confiei neste reitor, no seu paso pola Vicerreitoría deixou a súa indeleble marca, que llo pregunten ao PAS laboral e a quen quedou contento coas UADIs e UXAIs. Este señor sabe perfectamente o que quere e non dubida en usar calquera método para conseguilo, é un trileiro. Ollo co que se asina con el. O seu comportamento casa moi ben co sucedido coas famosas amortizacións, non foi Villoslada quen ideou este afer, o daquela xerente prestou a súa sinatura pero a paternidade e a maternidade correspóndelle ao reitor. A min quédame o estúpido consolo de non votalo, aínda que o PAS foi un dos artífices da súa vitoria nunhas eleccións nas que elixiamos entre que nos amputaran a perna esquerda ou a dereita. Escoller entre dúas malas opcións é o que ten, sempre faremos unha mala elección. Agora temos... o que votamos, aínda que moita xente non o votara para isto.