Esqueceu o Presidente Trump que o ISIS foi creado, financiado, armado e apoiado polo goberno dos EEUU dirixido polo Presidente Obama? A política estadounidense foi a que ensanguentou os pobos de Siria, Libia, Afganistán, Iraq e doutros lugares.
 
O racismo e a intolerancia promulgada polos capitalistas e os seus gobernos teñen a intención de separar e dividir aos traballadores do mundo, volvendo os uns en contra dos outros e non contra os capitalistas e a súa clase.
 
No seu esforzo, os capitalistas están a explotar os atentados terroristas en Turquía e a Unión Europea así como os recentes asasinatos de seis musulmáns mentres rezaban en Quebec, Canadá. En última instancia, están a aspirar a tomar novas medidas contra as loitas dos pobos e de todos os que están a resistir aos proxectos dos imperialistas.
 
A Federación Sindical Mundial, fiel aos seus principios internacionalistas, chama aos traballadores do mundo, sexa cal for a súa relixión, cor ou idioma, a unirse baixo as bandeiras das organizacións clasistas e a loitar contra o seu inimigo común, os capitalistas e a súa clase, por un mundo sen guerras, pobreza e racismo. Por un mundo sen explotación do home polo home.
 
A FSM demanda que se retire o decreto racista contra os 7 países e expresa a súa solidariedade coas familias dos seis musulmáns que inxustamente perderon a vida en Quebec.
 
O Secretariado