A concordancia entre as respectivas asesorías xurídicas foi practicamente absoluta. Sinaladamente coinciden na ilegalidade e a mala fe negocial na Oferta de Emprego Público (OEP), procedemento no que se conculcaron dereitos recoñecidos tanto na lexislación básica estatal EBEP, como la Lei do emprego público de Galicia, ocultando, ademais, o contido real da OEP ao Consello de Goberno, órgano que a aprobou.
 
Polo antes sinalado  a utilización das amortizacións recollidas na autorización da Consellería de Facenda para executar a OEP, como base argumental para que o concurso de traslado non contemple todas as vacantes carece de base legal e, segundo as propias asesorías xurídicas, debe ser rexeitado.
 
Consciente desta circunstancia o reitor e xerente cambian a proposta para conseguir o mesmo. Se do que se trata é de “protexer” o estatus de determinadas prazas, fagamos concurso específico para que ninguén o supere e que a situación continúe como até agora.
 
A Xunta de Persoal, respondeu á proposta do xeito que se vos comunicou.
 
Seguiremos informando.