Informe do reitor:
 

• ·         O día 30 de xaneiro comezaron as obras da residencia universitaria no Instituto Calvo Sotelo. A residencia será independente do resto do edificio e terá 118 prazas en 60 habitacións en dous pisos (29 dobres e 1 adaptada para discapacide en cada un deles). O prazo de execución das obras de adaptación será de 9 meses.

• ·         Remitiuse ao comunicado da CRUE para referirse aos contratos predoutorais, persoal ao que, dun contrato de obra pasóuselles directamente a contratad@s en prácticas.

• ·         Comunicou que os 3 recursos interpostos contra os acordos adoptados no Consello de Goberno e propostos pola CEPREA sobre a redución de cargos académicos e a fusión de departamentos foron desestimados, dous deles con imposición de costas ás persoas que recorreron.

 
Vicerreitora de Estudantes, Participación e Extensión Universitaria
 

• ·         Sinalou que co apoio de Deputación e Concello destinaranse arredor de 500.000€ á renovación e mellora dos accesos e as pistas do Estadio de Elviña.

 
Vicerreitor de Economía, Infraestruturas e Sustentabilidade
 

• ·         Multiplícanse as pequenas obras, moitas delas provocadas pola detección de Radon, agora segundo sinalou hai 13 en marcha.

 
Xerente
 

• ·         Listas de agarda. Coa experiencia do tempo que leva en marcha a Resolución que regula o procedemento para a cobertura temporal de postos de traballo e, co afán de mellorar a súa aplicación modificouse o artigo Artigo 5º Supostos de mellora de emprego.

• ·         Indemnizacións por razón de servizo. Modifícase, unha vez máis,  unha instrución que xa foi modificada en múltiples ocasións. Faise necesario, polo tanto, elaborar un texto consolidado, que se realizará proximamente.

• ·         Informa da posta en marcha das actividades formativas para o PAS.

 
Quenda aberta de intervencións
 
Representación do PAS
 

• ·         Nos acordos asinados co reitor o 20 de novembro de 2015 recollíase que no último trimestre de 2016 se ía convocar o concurso de traslados.
   
  O 31 de xaneiro a Xunta de Persoal requiríalle ao xerente, por escrito, a convocatoria de dito concurso.
   
  En reunións posteriores do xerente coa Xunta de Persoal instóuselle novamente a convocatoria.
   
  Requirimos, novamente, a convocatoria de concurso de méritos.
   

• ·         Neses acordos recóllese, tamén, que no primeiro trimestre de 2017 realizarase a oferta e convocatoria da promoción interna das prazas do SIC e do persoal funcionarizado en 2015.
   
  Instamos á Xerencia a que actúe de xeito que se cumpran os prazos acordados.
   

• ·         O día 9 de marzo convocouse folga en todo o ensino público, incluídas as universidades. Entre os obxectivos da folga están:

• Derrogación da LOMCE
• Reversión dos recortes
• Eliminación das contrarreformas universitarias
• Recuperación dos cadros de persoal
• Incremento de bolsas de estudo e das súas contías...
   

• Dáse a circunstancia de que os obxectivos da folga coinciden con manifestos realizados polo Claustro ,.manifestacións do propio reitor. Tendo en conta esta circunstancia requirimos:
   

• Que os servizos mínimos que se negocien sexan realmente mínimos
• Que a institución actúe de xeito que se facilite a participación do PAS na folga

 
Resposta do xerente
 

• Co ánimo de desbloquear a negociación hoxe mesmo se remitiu unha convocatoria de reunión á Xunta de Persoal para analizar unha nova proposta tanto relativa ao concurso como as medidas de acción social..
• Proximamente iniciaranse os procedementos acordados para as promocións previstas.
• A negociación dos servizos mínimos realizarase cando se teña coñecemento da convocatoria oficial e cumprindo a normativa oficial, negociándose co comité de folga e coa representación dos traballadores.