A resposta foi a convocatoria dunha reunión da Xunta de Persoal cunha modificación da RPT na que se contempla o concurso específico para todas as prazas con nivel de complemento específico igual ou superior ao 25. Adiando, por tempo indefinido, a convocatoria do concurso de méritos, dando un paso máis na folla de ruta rexeitada pola Xunta de Persoal, que reclama que se cumpran os compromisos asinados coa Reitoría o 20 de novembro de 2015.
 
Con esta proposta reitor e xerente demostran, unha vez máis, o desprezo polos acordos asinados ao querer impoñer unha reforma da RPT na que incluso obvian  o establecido nun dos seus parágrafos:
 
“No primeiro semestre de 2016 realizarase unha modificación parcial da RPT que contemple a asignación dos postos de traballo que proceda ao Grupo B previsto no artigo 76 do Estatuto Básico do Emprego Público e no artigo 42  e Disposición adicional quinta da Lei 272015, do 29 de abril, do emprego público de Galicia”
 
A forza da renegociación baleirase de contido o pactado no seu día. O día 2, xoves reúnese a Xunta de Persoal, compre dar unha resposta colectiva a toda esta maraña de intereses aos que responde a actuación do equipo de goberno.