Segundo se nos informou, os servizos mínimos impostos, no ámbito das universidades, son os seguintes:
 
UNIVERSIDADES GALEGAS:
 

-        1 empregado/a da área de conserxería por quenda de traballo en cada facultade, escola e centro de investigación e demais centros administrativos.

-        1 funcionario/a no rexistro oficial de cada campus.

-        1 empregado/a do persoal de secretaría do reitor e dos vicerreitores/as dos campus onde non estea a sede reitoral».

 
Deixamos para outro momento o debate sobre a concesión, unha máis, realizada polos sindicatos do sistema para que a servizos non esenciais se nos impoñan servizos mínimos co ánimo de deixar sen contido as folgas, esparexendo a imaxe de que non pasa nada e que todo é normal.

Como era de agardar, a Xunta intenta que as universidades dean ese aspecto de normalidade, cos centros abertos. A pesar desta circunstancia, e aínda con máis motivo, as traballadoras e traballadores, que non esteamos nomeados como servizos mínimos, debemos participar activamente na folga convocada, non indo ao traballo e asistindo ás manifestacións convocadas.
 

·         Para rematar dunha vez coa LOMCE e as contrarreformas universitarias

·         Para reverter os recortes

·         Para recuperar o que nos roubaron

·         Para rematar coas limitacións nas ofertas de emprego público recuperando os cadros de persoal...

A LOITA É O ÚNICO CAMIÑO!!