En vésperas da  presentación este sábado en Kastejón dunha nova fronte común en demanda do desmantelamento do Polígono de Tiro de Bardenas e cando a OTAN está a desenvolver manobras militares na Reserva da Biosfera dirixidas polos Estados Unidos, militantes internacionalistas denunciaron que “o exército máis sanguento do mundo proba as súas invasións nas nosas terras, para logo poñelas en práctica en Iraq, Libia, Ucraína, Siria ou calquera outro lugar que non estea baixo control do bloque imperialista”.

“Non podemos aceptar que nos fagan cómplices das súas guerras e as consecuencias que elas traen”, afirman, lembrando que o 12 de marzo cumpriranse 31 anos desde que Euskal Herria dixese non á OTAN en referendo.

“Xa é hora de plantarlle cara á OTAN e aos seus responsables políticos, que non son outros que Estados Unidos e a Unión Europea. E xa é hora de acabar co polígono de tiro das Bárdenas”, reclaman os internacionalistas, que editaron un vídeo no que queiman senllas bandeiras de EEUU e a UE e tiran un dos sinais que sinala os límites do Polígono.

Texto completo en: http://ahotsa.info/edukia/askapena-chama-a-plantar-cara-a-a-otan-e-pechar-o-poligono-de-tiro-de-bardenas-1
 
 

https://youtu.be/5wygfLivH5Y

Recollido de Kaos en la red